LAOAG CITY – Natiliw ti maysa a lalaki kalpasan ti naiyuswat a drug buy bust operation idiay Barangay Ricarte iti ciudad ti Batac.
Nabigbig ti subject a ni Baltazar Hilario, agtawen ti 38, foreman, drug surenderee ken residente iti nasao met laeng a barangay.
Nagatang ti police pusuer buyer ti pito a sachet a naglaon ti maipagarop a marijuana, dua a sachet a nakaikabil iti bag ken 500 a pisos a buy bust money, 100 a pisos, cellphone ken pappapel.
Segun kenni Hilario, maipagarop a naipabaklay laeng kenkuana ti bag gapo ta awan ti bag na a rimwar.
Malaksid iti daytoy, kuna pay ni Hilario nga idi nadamag dagiti kameng ti pulis no isuna ti Baltazar Hilario ket maipagarop a ginabbo da daytoy.
Kabayatanna, inbatad ti kayong ni Hilario a nakita na a maipagarop nga inulod-ulod dagiti pulis ti subject ti operasyon ken ti bag ket inpabaklay da laeng kenkuana.
Kunana a tallo a kameng ti PNP ti nanggamat kenni Hilario.
Kabayatanna, inpetteng ni Police Major Allan Emerson Dauz, ti chief of police ti PNP-Batac a ti alegasyon ni Baltazar Hilario a naipabaklay kenkuana ti bag a nakumpiskar ket mangperdi laeng iti imbestigasyon da.
Segun kenni Dauz, nabayagen a masipsiputan ni Hilario gapo ta isuna ti kangrunaan nga agus-usar iti Barangay Ricarte iti nasao a barangay.
Inlawlawag ni Dauz nga ado ti supsuplayan ni Hilario nga agus-usar ti marijuana ken maipagarop a saan a makatalna mainaig iti panagusar ti droga.
Inbatad na nga awan ti kinapudno na ti pamerperdi ni Hilario kadagiti kameng ti PNP kas iti pannakadakamat ti nagan ni Corporal Lugto gapo ta idi naiysuwat ti operasyon ket adda ditoy ciudad ti Laoag ti pulis.
