LAOAG CITY – Natukkol ti akinkannigid a tumeng ti maysa a lalaki kalpasan a nadesgrasya iti paset ti Manila north road bisinidad ti Brgy. Magnuang iti siudad ti Batac.
Nabigbig ti biktima nga addan iti legal nga edad ken residente iti Brgy. Sta. Cruz iti ili ti Badoc.
Basar iti imbestigasyon ti PNP-Batac, bayat nga agpapaabagatan a direksyon ti biktima ket naawan ti kontrol iti manibela.
Gapu iti daytoy ket naipagid ken natumba ken iti kapigsa ti impact ket natukkol ti tumeng na.
Dagus a naitaray iti Mariano Marcos Memorial Hospital and Medical Center iti nasao a siudad para iti pannakataming na.
Naamoan nga adda impluwensya ti nasanger ti biktima idi napasamak ti insidente.
