LAOAG CITY – Natukkol ti akin-kannigid a saka ti maysa a lalaki kalpasan a dinungpar na ti maysa a man truck iti Airport raod bisinidad ti Barangay 46, Nalbo ditoy ciudad ti Laoag.
Nabigbig daytoy a ni Robert Matias, agtawen ti 28, awanan ti asawa ken residente iti Barangay Bengcag ditoy ciudad ti Laoag idinto a ti nangiturong ti truck ket ni Joaquin Avadal, agtawen ti 43, naasawaaan, contractor ti Bangui Windmill ken residente iti Barangay Nam-ay Magsaysay, Naguilian, Isabela.
Basar ti imbestigasyon ti PNP-Laoag, bayat ti panagpadaya a direksyon ni Matias ket dinungpar na ti kasinnabat na a truck nga agpalaud met a direksyon kalpasan nga immagaw iti linya.
Naitaray iti Laoag City General Hospital (LCGH) ngem naiyakar iti Mariano Marcos Memorial Hospital and Medical Center idiay ciudad ti Batac gapo iti pannakatukkol ti saka na ken nagsagaba ti sugat iti nagduduma a paset ti bagi na.
Inbatad ti PNP a ni Matias ket adda iti impluwensya ti nasanger ken mapan kuma mangan iti sentro ti ciudad.
