LAOAG CITY – Pimmusay ti maysa a lalaki kalpasan a nadesgrasya iti national highway, bisinidad ti Brgy. Bil-loca iti siudad ti Batac.
Nabigbig ti biktima nga agtawen ti 30, residente iti Brgy. Barani iti siudad ti Batac ken naikamang iti Brgy. Baay iti nasao a siudad.
Basar iti imbestigasyon dagiti kameng ti PNP-Batac, agpaamianan ti biktima a nagiturong ti Nmax 155 a motorsiklo.
Kabayatanna, apaman a nadanon na ti kurbaan a paset ti kalsada ket posible a naawanan ti kontrol iti manibela ken naidungpar iti concrete barrier.
Gapu iti daytoy, natukkol ti akin kannawan a takyag ti biktima ken nagsagaba ti nakana a sugat iti ulo ken iti nagduduma a paset ti bagi na.
Naamoan a sakbay a napasamak ti desgrasya ket naggapo ti biktima iti paggi-inuman iti Brgy. Naguirangan iti siudad ti Batac.
