LAOAG CITY – Pimmusay ti maysa a lalaki kalpasan a nadesgraya iti provincial road bisinidad ti Brgy. 18 San Pedro iti ili ti San Nicolas.
Binigbig ni PMaj. Joseph Baltazar, ti hepe ti PNP-San Nicolas ti biktima a ni Allen Sulicipan y Valdez, agtawen ti 51, naasawan ken residente iti Brgy. Baay iti siudad ti Batac.
Kuna na a basar iti immunan a naiyuswat nga imbestigasyon ket agpapaamianan a direksyon ti yamaha aerox nga inturong biktima idi ta kellaat a naawanan ti kontrol apaman a nakadanun iti kurbaan a paset ti kalsda.
Gapu iti daytoy, nagderderetso ti biktima iti puon ti kayo ti acacia ken naitama ti rupa na.
Dagus a narespondean ti biktima ken naitary iti Mariano Marcos Memorial Hospital and Medical Center (MMMH&MC) iti siudad ti Batac ngem naideklara a dead on arrival.
Naamoan nga awan ti suot nga helmet ti biktima ken maipagarup nga adda iti impluwensya ti nasanger.
Iti agdama ket agtultuloy ti imbestigasyon mainaig iti nasao nga insidente.
