Maysa a turista a Lithuanian nga agtawen iti 50 a ni Aidas J. ti nagbalin a nalatak gapu iti “heart-stopping” method-na.
Segun iti report idiay España, ti turista a taga-Lithuania nga agnanaed iti Siudad ti Alicante, Spain, ket situtured a nangan iti uneg ti maysa a restawran a whisky ken paella laeng ti orderna.
Dimmanon iti $37 wenno PHP2,000 ti balor dagiti bayadanna ngem imbes a mabayadanna ket kellat nga agpammarang a naatake ti puso ket dagos a tinawagan dagiti empleado ti restawran dagiti polis.
Kabayatanna, natakuatan a namin-20 a daras nga inaramid ti lalaki daytoy ken namin-adu a natiliwan dagiti polis.
