LAOAG CITY – Naarestar ti maysa a lalaki iti insayangkat nga anti-illegal drug buy-bust operation dagiti otoridad iti Barangay Escoda iti ili ti Marcos.
Ti suspek ket agtawen ti 55, naasawaan ken residente iti nadakamat metlaeng a barangay.
Nakakumpiskar dagiti otoridad ti 4 a sachet a naglaon ti maipagarop a shabu nga agdagsen ti sumurok-kumurang maysa a gramo, maysa nga open empty sachet, P1,000.00 a nausar kas buy-bust money ken sumagmamano a personal a kagamitan ti suspek.
Iti agdama, nagtalinaed iti Philippine National Police iti ili ti Marcos ti suspek ken sumango iti kaso a panaglabsing ti Republic Act 9165 wenno comprehensive dangerous drugs act of 2002.
