Inusar ni Matthew David Keirans ti pakabigbigan ni William Donald Woods iti 35 a tawen.
Ni Matthew ket agtawen ti 58 ken empleado ti University of Iowa Hospital.
Nangrugi ti panangusarna iti nagan a William idi 1988 kalpasan a nagikkat kas aglaklako ti hot dog cart idiay Albuquerque, New Mexico ken nakipagtrabaho iti pudno a William iti nasao a lugar.
Inyam-ammo na ti bagina kadagiti tattao a nakaam-ammo kenkuana manipud idin a kas William Donald Woods.
Iti simmaruno a tawen ket gimmatang ti kotse babaen iti nagan ni William ken nagbayad iti dua a tseke ken tapno maliklikan na ti krimen nga inaramidna, binaybay-an ni Matthew ti ginatangna a kotse idi simmangpet idiay Idaho.
Mainaig iti daytoy, inruarna pay amin a kuarta iti banko babaen ti panangusarna iti Automated Teller Machine tapno umakar iti sabali a lugar.
Naarestar ken napilaan ti kaso ni Matthew gapu iti panangusar ti peke a birth certificate ken panangipaay ti peke nga impormasion a pakabigbiganna.
Kabayatanna, saan pay a nasentensiaan ni Matthew ngem posible a sumango agingga iti 30 a tawen a pannakaibalud gapu iti panangipaayna ti san nga umiso nga impormasion iti National Credit Union Administration-insured institution ken dua a tawen gapu iti nadagsen a panagtakaw iti pakabigbigan.
