LAOAG CITY – Ballaigi a naarestar ti maysa nga indibidual iti Brgy. 32, Corocor iti ili ti Bacarra kalpasan a nagsalungasing daytoy iti Republic Act 10591 wenno iti ilegal a panagikot ti paltog.
Segun ken ni PCpt. Sherryl Guzman ti hepe ti Philippine National Police iti ili ti Bacarra, dagos da a nagresponde apaman a nakaawat da ti report seknan iti daytoy.
Bayat ti panagturong dagiti kameng ti polis iti nadakamat a barangay ket dita nga adda in-endorsar Barangay Chairman Dromar Orcia, Brgy. Kagawad Norberto Queja, ken Brgy. Kagawad Hernani Ramil.
Nabigbig ti suspek a ni Mr. Levy Balasi y Bibay, agtawen ti 44, awanan asawa, landscaper, ken residente iti Brgy. 32 Corocor, iti nadakamat nga ili.
Nakumpiskar ken ni Bibay ti maysa nga unit ti caliber 45, Armscor, nga addaan ti serial number 1162348, maysa a magazine, ken walo a pedaso ti bala ti calibre 45.
Kuna ni Guzman a ti suspek ket adda iti kustodiyar ti Philippine National Police iti ili ti Bacarra ken manamnama ti pannaka-inquest preceeding kontra kenkuana.
