LAOAG CITY – Manarimaan pay laeng ti naun-uneg nga imbestigasyon seknan iti maipagarop a pannakaserrek ti maysa a classroom iti Vintar Central Elementary School.
Segun kenni Police Captain Roi Manuel Ordonio, ti chief of police ti Philippine National Police iti ili ti Vintar, iti inisyal a naduktalan a mapukpukaw ket maysa a laptop ken nasurok 500 a pisos babaen kadagiti saan pay a nabigbig a suspek.
Kunana nga alisto a nadadael ti kandado ti ridaw ti classroom gapo ta bassit daytoy.
Mainaig iti daytoy, inbatad na nga adda metten ti pamalpalatpatan da iti nasao nga insidente.
Kabayatanna, naamoan a saan a daytoy ti damo a napasamak daytoy iti nasao a pagadalan gapo ta iti napalpalabas a tawen ket naserrek manen daytoy babaen kadagiti menor de edad.
