LAOAG CITY – Inlawlawang ni PCpl. Rolly Ramoran Jr. iti PNP Bangui ti pannakaregreg ti maysa a lugan iti derraas iti Brgy. Lanao iti ili ti Bangui partikular iti Abang Falls.
Segun ken ni Ramoran, agmaneobra ti lugan tapno agparking idi ta kellaat a naawanan ti kontrol ti driver rason a naregreg iti derraas.
Gapu iti daytoy, nadadael ti sumagmamano a parte ti lugan.
Nu pay kasta, kuna na nga awan ti nadangran kadagiti uppat a nakalugan a pakairamanan ti driver.
Kabayatanna, inpakaamo na a naiyaon ti lugan manipod iti derraas nga aguneg iti agarup katayag ti maysa a tao babaen iti heavy equipment ken iti tulong dagiti kameng ti BFP ken MDRMMO Bangui.
