LAOAG CITY – Nuaram ti maysa a SUV iti paset ti Brgy. 55 ditoy siudad ti Laoag.
Basar iti impormasion, nagresponde dagiti kameng ti Bureau of Fire Protection iti ili ti Vintar babaen ti panangidaulo ni Fire chief inspector Arnel Ratuita. iti agarup alas siete ti rabii iti Nobiembre 19.
Mainaig iti daytoy, agarup alas-siete ti rabii iti Nobiembre 19, adda ti maysa nga indibidual a nagreport kenkauda maipanggep iti nasao nga insidente rason a dagos dagitoy a nagresponde ken naideklara a fire-out daytoy iti agarup 3 a minutos.
Rumrummuar a kalkalpas a nagpa-change oil ti akin bagi ti lugan a nauram ken napasuktan ti silaw.
Nupay kasta, awan ti indibidual a nadangran iti napasamak nga insidente.
Kabayatanna, agtultuloy ti imbestigasion ti Bureau of Fire protection ditoy siudad ti Laoag maipanggep iti gatad ti nadadael ken ti namungayan ti nadakamat nga insidente.
