LAOAG CITY – Kinumpirmaran ni Barangay Chairman Adelboy Quinto iti Barangay Caaoacan ditoy ciudad ti Laoag nga adda ti maysa a mangalap a naisadsad iti lugar da.
Segun kenni Quinto, ti nasao a mangalap ket nabigbig a ni Mark Gonzales ken residente iti Barangay Gaang iti ili ti Currimao.
Segun kenni Quinto, idi rabii ti Mayo 17 ket napan ni Gonzales iti baybay ken idi kalman ti parbangon ket dimmawel ti dalluyon iti baybay.
Gapo iti daytoy, saan na a nakontrol ti nagluganan na a bilog ken nadadael pay daytoy agingga nakadanon iti Barangay Caaoacan ditoy ciudad.
Inpasingked met ni Quinto nga adda iti nasayaat a kondisyon ni Gonzales.
