LAOAG CITY – Kinumpirmaran ni Barangay Chairman Elviro Agoo iti Barangay Davila iti ili ti Pasuquin a mapukpukaw ti maysa a mangalap.
Segun kenni Agoo, Jerald Rapun, agtawen ti 20 ken residente iti nasao nga ili, nakabado ti nangisit ken naka-short.
Inbatad na a naamoan na laeng itay bigat ngem nangrugi ti panangbirok ti Municipal Disaster Risk Reduction and Management Office idi rabii ngem napaay dagitoy.
Agpapan maisursurat ti damag ket agtultuloy pay laeng ti panagbirok da pakairamanan ti Coast Guard, Marine ken nagkiddaw da ti helicopter para iti al-alisto a pannakabirok iti daytoy.
Inlawlawag na nga idi kalman ti parbangon ket napan nagkalap ti maseknan pakairamanan ti dua pay nga indibidual ken saggaygaysa da ti bilog.
Nupay kasta, kunana a mabalin a naggiinnadayo dagiti tallo a mangalap ken idi agawid dan ken saan dan a nakita ni Rapun. Mangnamnama ni Agoo nga iti laksid a saan da a matawagan ti cellphone daytoy ket natalged ti kasasaad ti mangalap agingga a mabirukan daytoy
