LAOAG CITY – Saan pay a nabirukan ti mangalap a mapukpukaw kabayatan nga adda iti baybay iti ili ti Pasuquin.
Nabigbig daytoy a ni Michael Alcoran, agtawen ti 27, naasawaan ken residente iti Sitio Dirique iti nasao a barangay.
Ti biktima ket nakasuot ti orange shirt, green jacket ken black pajama ken 5’5 ti katayag na.
Segun kenni Barangay Chairman Jesus Agbalog iti Barangay Davila ti ili ti Pasuquin, napan nagkalap ti biktima ken ti maysa pay a kadua na ken idi nakadanon dan iti agarop 13 nautical miles ket dadakkel ti dalluyon.
Gapo iti daytoy, nasabwagan ti bangka dagitoy a nangitunda ti pannakaregreg na no sadinno ginandat ti kadua na nga alawen babaen iti panangipurwak na ti tali ngem napaay daytoy.
Inbatad na a naisalakan ti kadua ti biktima gapo ta nadalanan dagiti rescue team.
Mainaig iti daytoy, kuna ni Albalog a marigatan da iti panagbirok gapo ta nadawel ti baybay.
Karaman kadagiti agbirbirok iti mangalap ket dagiti opisyales ti barangay, Philippine Coast Guard, Philippine National Police, Municipal Disaster Risk Reduction and Management Office ken dadduma pay.
Kabayatanna, naamoan nga awan ti suot a life vest dagiti ken rumrumuar nga awan pay ti naited kadagiti mangalap.
