LAOAG CITY – Inbatad ni Mr. Michael Bagaoisan, maysa a mangisursuro ken residente iti Barangay Casili ditoy ciudad ti Laoag nga arigna na nagbalin nga instant celebrity gapu ti panagbalin na a volunteer reporter iti Bombo Radyo iti kalepleppas nga eleksyon.
Inlawlawag na a kalpasan a nangngeg da daytoy a nagreport iti Bombo Radyo ket nakaad-adon dagiti nagmessage kenkuana ken dinaydayaw da.
Malaksid ti arigna panagbalin na nga instant celebrity ket ado nagenjoy pay gapu ta nakapasyar ken naikkan ti gundaway a makilangen kadagiti dadduma a tattao.
Kuna na pay a babaen ti panagbol-volunteer na iti Bombo Radyo ket ad-adda pay a dimmur-as ti communication skills na kangrunaan na ti panangi-deliver na ti mapaspasamak iti nakaikabilan na a lugar.
