LAOAG CITY – Kinumpirmaran ni Mr Joel Manuel, principal ti Cadaratan National High School iti ili ti Bacarra a naipan iti Grade 7 ti mairekreklamo a mangisursuro.
Daytoy ket kalpasan nga adda ti report a pagsasawan ti saanen a nabigbig a mangisursuro ti agkakadakes a sarita dagiti estudyante na iti Grade 10.
Segun kenni Manuel, kiniddaw dagiti estudyante iti Grade 10 ken dagiti nagannak da a masukatan ti mangisuro kadakuada.
Innayon na a napakawan dagiti estudyante ti saanen a nabigbig a mangisursuro ngem saan dan a kayat nga isu pay laeng ti mangisuro kadakuada iti asignatura nga Ingles.
Gapu iti daytoy, kuna ni Manuel a pinagsinnukat da ti mangisuro iti Grade 7 ken Grade 10 tapno masolbar ti nasao nga isyu.
