LAOAG CITY – Kinumpiraran ni Ms. Marisal Nicolas, Guidance Coordinator iti Piddig National High School a dinangran ti dua nga estudiante nga agkabsat ti mestro da a ni Mr. Marlon Agustin idi Setiembre 10, 2024.
Inbatadna nga adda ti nadamag ti opsinada a commotion manipud iti building dagiti maseknan ket dagos dagitoy a napan tapnu solbaren daytoy.
Segun kenkuana, mapatta-patta nga iti oras ti 3 ti malem ket mannarimaan ti klase ni Agustin no sadinno makatagari ti bangir a klasrum, rason a saan daytoy a nakapokus ken napan a nagawana.
Innayon ni Nicolas nga adda ti napanan ti mestra dagiti estudiante idinto a binilinna dagitoy a saan a makatagari gapu ta adda pay laeng dagiti mannarimaan ti klasena.
Mainaig iti daytoy, idi makita ni Agustin nga agtultuloy ti panangpalting ti estudiante iti uneg ti klasrum ket nagsubli anapan a naganawa daytoy ken pinadasna nga alaen ti ipalpalting ti estudiante.
Nupay kasta, inpagarup ti kabsat ti estudiante a layatan ni Agustin ti kabsatna rason napanna dinarup ti mestro agingga a pinagtulunganda nga agkabsat a kinabil ti mestro.
Inlawlawag ni Nicolas a nagappo dagiti dua nga estudiante iti Olangappo ken agkaklase dagitoy iti maymaysa a section.
Basar ti imbestigasionda, naka-work from home ni Agustin kabayatan a naka-asynchronous class dagiti dua nga estudiante
Innayon ni Nicolas a basar iti lolo dagiti agkabsat nga estudiante ket sarasarkenda dagiti kabagian iti ili ti Piddig no sadinno natakuatan nga agkakabagian ti mestro ken dagiti estudiante rason a saan a nagibales ni Agustin.
Inlawlawag ni Dr. Rizalina Manzano, Principal iti nadakamat a pagadalan, a nagsasaritan dagiti dua a partido no sadinno nagpipinakawanda ken napintas a ti nagbannagan ti nasao a saritaan.
Innayonna a ginutigutda ni Agustin a mapan agpa-medical assistance ngem nagkedked daytoyen ken awan ti nakitana a sugatna daytoy.
Kabayatanna, binagbabagaan ni Manzano dagiti dua a partido ken addanto ti addang nga ipatawda iti pagadalan.
