LAOAG CITY – Naiget a naglikudan ni Mr. Bryan Maneja, Grade 9 Adviser iti Sta. Rosa National High School iti ili ti Sarrat ti akusasyon kenkuana a linayatan na ti samurai dagiti sumagmamano nga adalan na.
Inlawlawag na nga adda ti ubing a nangted kenkuana idi ti samurai ken inselsel na iti uneg ti lamisaan na.
Nupay kasta, idi immakar da ti kwarto ken pinabagkat na ti lamisaan kadagiti estudyante na ket ditoy a nakita da ti samurai ket innala da, ngem maysa a nagannak ti nangisubli.
Inpasingked na nga awan ti nangilaylayatan na ti samurai ngem adda ti maysa nga adalan na a saanna a kayat ti mangaramid kadagiti paar-aramid na a proyekto, ken idi dinillaw na ket maipagarup a kinarit na daytoy.
Gapu iti daytoy, nagballaag ti mangisursuro a mapanna ikabil iti guidance councillor ti estudyante.
Naamoan a ti nasao nga estudyante ket natangken ti ulo na isut gapuna a kiniddaw ni Maneja a maiyakar iti sabali a section.
Iti agdama, ti nasao a samurai ket addan iti PNP iti ili ti Sarrat.
