LAOAG CITY – Nakarekobre dagiti kameng ti Philippine National Police (PNP) ti dua a botelya a naglaon ti maipagarop a dinamita iti siruk ti paglutoan da Dennis Clemente, agtawen ti 48, naasawaan ken residente iti Barangay 34-A, Gabu ditoy ciudad ti Laoag.
Daytoy ket kabayatan ti panangisayangkat dagiti kameng ti pulisya ti search operation iti balay da Clemente.
Iti eksklusibo nga interview ti Bombo Radyo ken ni Clemente, inbatad na a saanna nga ammo no kasanu nga adda ti maipagarop a dinamita iti siruk ti paglutoan da idinto a saan nga agus-usar ti kastoy.
Inpasingked na a saan pay a nagisaysayangkat iti illegal a panagkalap kas ti panagusar ti dinamita.
Mamati ni Clemente a naimula dagiti dinamita a naala iti uneg ti balayda gapu ta adda dagiti nasiputan na a maipagarop nga immuna a simrek sakbay kadagiti otoridad.
Kabayatanna, inbatad ni Pol. Lt. Col. Amador Quiocho ti Chief of Police ditoy ciudad ti Laoag a locally manufactured dagiti dynamite explosives a nakumpiskar iti balay da Clemente.
Maipagarup a mismo a ni Clemente iti agar-aramid ken agilaklako dagiti explosibo.
Dumalan iti eksaminasyon dagiti naala a dynamite explosives iti crime laboratory.
