LAOAG CITY – Naarestar ti maysa a lalaki iti ilit ti Badoc babaen ti bileg ti Warrant of Arrest gapo ti kaso nga Homicide.
Ti nasao a suspek ket agtawen ti 61, awanan ti asawa, maysa a mannalon, ken residente ti Brgy. Malaring iti ili ti Badoc.
Basar ti report ti Philippine National Police Badoc, naarestar ti nasao a suspek iti pagtalunan na iiti Brgy. Lacuben iti nasao met laeng nga ili idi kalman, Nobyembre 5.
Ti nasao a warrant of arrest ket insayangkat ti Badoc MPS nga idadauluan ni PMAJ Joseph Tayaban, agraman ti RIU, PSET, 2nd PMFC INORTE.
Inparuk-at met ni Honorable Angelo M. Albano, ti Presiding Judge ti RTC Branch 17, iti Siudad ti Batac, ti Warrant of Arrest ken narekomendaran ti pyansa a 60 a ribo a pisos.
Segun ken ni Police Major Tayaban, ti nasao a warrant of arrest para ti kaso a homicide,ket nairuar idi tawen 2008, ken awan ti sabali a criminal record ti suspek.
Ummuna iti daytoy, kuna ni Tayaban a ti suspek ket masipsiputan babaen kadagiti intelligence officers ti PNP-Badoc.
Naipan ti suspek iti RHU Badoc para iti Physical ken Medical Examination ken iti agdama ket addan iti kustudiyar dagiti otoridad.
