LAOAG CITY – Balligi ti naiyuswat a search warrant operation iti Purok 3 iti ili ti Adams.
Binigbig ni Police Lt. Eddie Valdez, chief of police ti PNP-Adams ti subject ti operasyon a ni Richard Tumaneng, agtawen ti 50, awanan ti asawa, maysa a mannalon ken residente iti nasao a lugar.
Kunana a nailanad iti search warrant nga inisyu ni Judge Acidera ket maysa a homemade shotgun ken imporvised caliber 22 a paltog nga isu met ti naala iti pagtaengan na.
Malaksid iti daytoy, adda pay ti naala a bala dagiti nasao a paltog no sadinno a ti shotgun ket nakita it uneg ti kwarto na idinto a ti caliber 22 ket iti pannaka-salas iti sangwanan ti kwarto daytoy.
Segun kenni Valdez, nangiyuswat da ti search warrant operation kalpasan ti panangvalidate da nga agik-ikot ti paltog ni Tumaneng nga isu ti pagbutbutngan dagiti kalugaran na.
Ummuna iti daytoy, kunana a bayat nga ipalpalawag ti search warrant ket dagus nga inadmitir ni Tumaneng nga adda ti paltog na nga isu ti us-usaren na iti panaganop.
Naamoan a ni Tumaneng ket adda ti pending case na a homicide.
Iti agdama, adda iti kustudiyar ti PNP-Adams ni Tumaneng ken manamnama a mapilaan ti kaso a panaglabsing iti RA 10591.
