LAOAG CITY – Natay ti maysa a mannalon kalpasan ti pannakadesgrasya na iti paset ti Brgy. Barbaquezo, Carasi, Ilocos Norte.
Binigbig ni Pol. Lt. Caesar Mangaoil, chief of police ti PNP-Crasi ti biktima a ni Carlos Biyu y Carte, 65, naasawaan, ken residente iti nasao a barangay.
Iti imbestigasyon dagiti otoridad, bayat nga agpapalaud a direksyon ti biktima ket naawanan ti kontrol isut gapo na a naregreg iti kanal ken naitupa ti ulo na iti iking ti kanal.
Rumrumwar pay a ti rason no apay a napukawan ti kontrol iti inturong na a motorsiklo ket napugsat ti kadena na.
Naitaray ti biktima iti Piddig District Hospital ngem naideklara a dead on arrival.
