LAOAG CITY – Kinumpirmaran ni Major Roxanne Parado, ti mangidadaulo ti contact tracing team ditoy probinsya nga addan ti 15 a nacontact trace kalpasan a nagpositibo iti covid-19 ni Presidential Assistant for the Visayas Secretary Michael Lloyd Dino.
Sakbay a nagpositibo ni Dino ket maysa isuna kadagiti nagatendar daytoy iti launching ti Malasakit Center iti Gov. Roque Ablan Senior Memorial Hospital.
Segun kenni Parado, nangiyuswat da metten ti contact tracing iti nasao nga ospital partikular kadagiti simrek iti venue ti aktibidad.
Inbatad na nga amin a nacontact trace ket naka-quarantine ken dimmalan da iti swab test ita nga aldaw.
Naamoan a dagiti maibilang a primary contact ni Dino ket agarop lima a mayor, opisyales ken empleado ti gobierno probinsyal ken kameng ti media.
