LAOAG CITY – Natiliw ti maysa a lalaki iti naisayangkat a drug buy-bust operation iti maysa a boarding house iti Barangay 23 ditoy ciudad ti Laoag.
Nabigbig ti suspek a ni Ronald Parado Jr., agtawen ti 36, mekaniko, dati nga OFW, ken taga Barangay Lumbad iti ili ti Dingras.
Nakumpiskar iti ikot ti suspek ti maysa a dakkel a sachet ken dua a bassit a sachet a naglaon ti maipagarop a shabu, maysa a rolyo a foil, tallo a lighter, ken ti sangaribo a pisos a nausar iti operasyon.
Naamoan a nabayagen a monmonitoren dagiti otoridad ti illegal nga aktibidad ni Parado sakbay nga isayangkatan da ti operasyon.
