LAOAG CITY – Saan a masinunuo ni Mrs. Edralin Cariño iti Barangay Sta. Maria ditoy ciudad ti Laoag ti sumaruno nga aramiden na kalpasan nga immabot iti 54 a ribo a pisos ti bill da ti kuryente.
Daytoy ket iti laksid a saan met nga ado ti appliances a maus-usar iti pagtaengan da ken kanayon a parbangon ti rumuar da ken rabiin no sumangpet dagitoy.
Segun kenni Cariño, sipud pay idi 1999 ga isu ti panagnaed da iti lugar ket saan pay nga immabot iti nasuork tallo ribo ti binulan a bayadan da.
Nupay kasta, idi Mayo ita a tawen ket nakigtot gapo ta immabot iti siyam a ribo a pisos ti bill da isut gapo na nga indanon na iti nagreading ken iti mismo nga Ilocos Norte Electric Cooperative ngem nabalakadan a bayadan na ti 12 a ribo a pisos sakbay da nga irepot daytoy nga isu met ti inaramid na.
Kunana nga iti bulan ti Hunyo ken siyam a ribo ti bill da, 18 a ribo met iti Hulyo ken iti sumarsaruno pay a bulan a dakkel latta ti bill da ken naamoan a saan na a binayadan dagitoy gapo ta inyuray na a mapan da kitaen ti kontador na ngem idi laeng Oktubre 25 laeng idi adda ti napan a kameng ti Ilocos Norte Electric Cooperative ken nasukatan ti kontador na.
Inbatad na nga iti bulan ti Nobyembre ket immaboten iti 54 a ribo a pisos ti bayadan da ken idi kalman ket pinuted dan ti linya ti kuryente da gapo innem a bulanen a saan a nakabayad.
Inpetteng na pay a binulan ti panangtawag na iti Ilocos Norte Electric Cooperative ngem immabot pay laeng nga Oktubre 25 ti papan da panangsukat iti kontador.
Innayon na nga iti papan na iti opisina ti Ilocos Norte Electric Cooperative ket naibaga kenkuana a masapol a bayadan na gapo ta isu met ti na-consume da.
