LAOAG CITY – Natay ti maysa a menor de edad a lalaki kalpasan a nagbekkel gapu ti maipagarop a panagsagsagaba na ti depresyon idiay Brgy. Catagtagen, Banna, Ilocos Norte.
Nabigbig daytoy a ni Marvin Cullannay, agtawen ti 14, baro, out-of-school-youth ken residente iti nasao a barangay.
Segun iti imbestigasyon ti PNP-Banna, inbatad ti ina ti biktima a ni Mrs. Nely Culannay a pinanawan na anak na iti pagtaengan da, ken binilin na a mangan to lattan daytoy.
Naamoan a sakbay a pinanawan ni Mrs. Cullannay ti anak na ket agay-ayam ti biktima iti cellphone.
Nupay kasta, nakigtot laengen ni Mrs. Cullannay idi masangpetan na ti anak na a nakabiten iti mismo a pagtaengan da babaen ti panagusar na ti ules.
Dagus nga inikkat ti ina ti nakaputipot nga ules iti tengged ti anak na, ken intaray da iti ospital ngem naideklara a pimmusayen.
Inpasingked ti PNP nga awan ti nakita da a foul play iti pannakatay ti nasao a biktima.
