LAOAG CITY – Nasugatan ti maysa a menor de edad bayat a dumaldalyasat iti kalsada kalpasan a nasapgud ti motorsiklo idiay Barangay Garreta iti ili ti Badoc.
Binigbig ni Police Major Artemio Clemente, ti OIC chief of police ti PNP-Badoc ti driver ti motorsiklo a ni Joel Tolentino y Aquino, agtawen ti 18, awanan ti asawa ken residente iti Barangay Alogoog iti nasao nga ili ken adda ti lubbon na a menor de edad.
Basar ti imbestigasyon ti PNP-Badoc, agkasinsin ti biktima ken ti nakalubbon iti motorsiklo.
Naamoan a lumasat manipud iti daya ti biktima nga agpalaud idi nasapgud ti motorsiklo a maipagarop a napaspas ti taray na.
Gapo iti daytoy, nagsagaba ti sugat ti biktima ken naitaray iti ospital idiay Sinait, Ilocos Sur.
