LAOAG CITY – Kinumpirmaran ni Police Major Joseph Tayaban, ti chief of police ti Philippine National Police iti ili ti Badoc a pimmusay ti maysa a menor de edad kalpasan a naidungpar ti nagluganan da a kurong-kurong iti puon ti kayo iti Barangay Lubigan iti nasao nga ili.
Segun kenni Tayaban, ti biktima ket agtawen ti 16 ken isu ti nakalugan iti kurong-kurong nga inturong ti lolo na nga agtawen ti 56, agpada nga agnanaed iti Barangay Ar-arusip iti ili ti Badoc.
Inbatad na a dagiti biktima ket adda da iti maysa a pasken ken nakainom ti nasanger ti driver idi rumrumuar a timmawag kenkuana ti boss na tapno mapan da i-rescue iti Barangay Caraitan gapo ta naperdiyan.
Nupay kasta, inbatad na a nakainom ti nasanger ti driver ken kurang ti silaw iti nasao a lugar nga isu ti rumrumuar a rason no apay a naidungpar da iti puon ti kayo.
Gapo iti daytoy, nagsagaba ti sugar iti akin-kannigid a saka ti driver kasta met ti pasahero na.
Dagus met a naitaray iti Corpuz Hospital iti ili ti SInait ti menor de edad ngem naideklara a dead on arrival idinto a ti driver ket naitaray iti Sto. Cristo Hospital.
