LAOAG CITY – Maysa a modelo idiay Israel ti nakigtot kalpasan a naduktalan na a maysa a kompanya idiay China ti nagaramid ti sex doll a kalanglanga na.
Arig na saan a mamati ti agtawen ti 25 a ni Yael Cohen Aris idi naibaga kenkuana a maysa a Chinese adult toy company ti nangtulad iti rupa na ken nagaramid ti sex doll.
Segun kenni Aris, tinulad a mismo ti kompanya ti rupa na usar dagiti ladawan na iti online ken uray ti bassit a siding iti babaen ti bibig na ket makita iti mailaklako a sex doll.
Naamoan nga uray awan ti inted a permiso iti Doll Studio, ti buo a nagan ken ladawan na ket inusar ti kompanya iti website da kas promotional material.
Kabayatanna, nagpakonsultar ti maseknan iti abogado na tapno mapilan ti reklamo ti kompanya ken no kasano a makumpiskar dagiti sex doll tapno saanen a mailako.
