LAOAG CITY – Nagtalinaed iti kustudyar ti PNP-Laoag iti maysa a lalaki kalpasan a sinipat na iti muging, intumeng, ken pinagsawsaw-an na dagiti nagresponde a pulis iti napasamak a desgrasya iti paset ti Gilbert bridge iti Brgy 51-A ditoy ciudad.
Nabigbig ti suspek a ni Candelario dela Cruz y Asuncion, agtawen ti 55, ken residente iti Brgy. 3 Loing iti ili ti Piddig ; idinto a dagiti biktima ket da Patrolman Julius Castro ken Patrolman Paul Rosete, agpada nga imbestigador ti PNP-Traffic Division ditoy ciudad.
Segun ti impormasyon ti PNP, bayat nga agpapa-amyanan a direksyon ti lugan ni Asuncion ket nadungpar na iti center railing iti nasao a rangtay.
Gapu iti daytoy, nagresponde dagiti dua a pulis ngem iti panagsaludsod da kenni Asuncion ket mapagarop a kinagura na ken pinagsawsaw-an na dagitoy ti agkakaalas a sarita.
Rumrumuar a nakainom ti nasanger ni Asuncion idi mapasamak ti insidente.
Iti agdama, nagtalinaed ti kustudyar ti PNP-Laoag ti suspek bayat ti pannakaisagsagana ti kaso a Direct Assault a maipila kontra kenkuana.
