LAOAG CITY – Natukkol ti akin-kannawan a takyag ti maysa a motorista kalpasan ti napasamak a self-vehicular accident iti paset ti Brgy. 5 ditoy ciudad ti Laoag.
Ti driver ket maysa a lalaki nga agatawen ti 20, awanan ti asawa ken residente ti Brgy. 5 iti ili ti Banna.
Segun ken ni Police Staff Sergeant Artemio Magaoay Jr., Duty Investigator ti Philippine National Police Traffic Division ditoy siudad ti Laoag, nagsarili ti motorista a nangiturong ti motorsiklo a Suzuki Rider S1 4664 nga agamaris ti nalabbaga ken nangisit.
Inbatad na a napukawan ti kontrol ti driver a nangitunda ti pannaka-degrasya na.
Naitaray met a dagus ti driver iti Gov. Roque B. Ablan Sr. Memorial Hospital para iti naan-anay a panakataming na.
Kabayatanna, naamoan nga adda ti impluwensya ti nasanger ti biktima ken saan a nakasuot ti helmet idi napasamak ti aksidente.
