LAOAG CITY – Immapela ni Mr. Jeffrey Michael Fernandez iti Barangay Abkir iti ili ti Vintar iti siasinno man a nangala iti motorsiklo na nga isubli nan daytoy.
Segun kenni Fernandez, nagrigatan na nga inurnong ti pinanggatang na iti nadakamat a motorsiklo.
Ummuna iti daytoy, kunana a nakaparking ti motorsiklo iti sango ti pagtaengan da pakairamanan ti tulbek no saidnno kinumutan na daytoy ti twalya.
Inlawlawag na nga idi rimuar ti ama na ket adda pay laeng daytoy ngem kalpasan ti sumagmamano laeng nga oras ket naldaw ti miembro ti pamilya nga awanan ti motorsiklo.
Inbatad na a naipakammo kadakuada nga adda ti nakakita iti maysa a lalaki a naglugan iti motorsiklo ken pinataray na daytoy.
Naamoan a naibaga pay kenkuana a nasabat ti kaam-ammo na ti suspek a nakalugan iti motorsiklo a tinakaw na no sadinno ket napaspas ti panagpataay na.
Kabayatanna, kunana a naireport metten daytoy iti PNP-Vintar ken agur-uray da ti update wenno impormasyon.
