LAOAG CITY – Nagpakamatay ti maysa a lalaki babaen iti panagbekkel na iti siudad ti Batac.
Segun ken ni PLt. Col. Mar Louie Bundoc, hepe ti PNP iti nasao a siudad, ti biktima ket atawen ti 51 ken maysa a negosyante.
Inbatad na nga iti panagimbestigar da, adda ti saan a nagkinnaawatan ti biktima ken ti live in partner na idi Pebrero 23 gapu iti maipagarup a pannakalugi ti negosyo da.
Kuna na nga iti dayta nga aldaw ket nagawid ti babai iti pagtaengan da idinto a nagbati iti pagtagilakoan da ti biktima.
Kabayatanna, idi napan kinita ti babai iti pwesto da ti live in na ngem naduktalan na a nakabitin daytoy babaen iti tali ken awanen ti biag na.
