LAOAG CITY – Inpetteng ti maysa kadagiti registered nurse a ni Ms. Jeanifer Nicolas a residente iti Barangay 20 iti ili ti San Nicolas nga awan ti serbi na ti Salary Grade 15 para kadagiti nurses.
Segun kenni Nicolas, nabayag dan a kiniddaw ti pannakaipangato ti sweldo da kas nurse kadagiti pampubliko nga ospital gapo ta adon dagiti nakapanunut nga agtrabaho iti ballasiw taaw.
Inbatad na nga idi kuma ado pay laeng ti nurses ditoy pagilyan a naipatungpal ti pannakaipangato ti sweldoda gapo ta ad-adon dagiti mangayat nga agtrabaho kas nurse idiay ballasiw taaw.
Inlawlawag na a no makita dagiti ospital ket bassiten dagiti nurses, ken saanen a mait-ited ti quality health care kadagiti pasyente nangruna ket awan ti aggradwar a nurse gapo iti K to 12 program.
Kwinestyunaran na pay no inton kaano a maipatungpal ti pannakaipangato ti sweldo da ken iti kabayag na kas maysa a nurse ket saanen a maragsakan iti nasao a report.
Maipalagip a naaprubaran ti pannakaipangato ti sweldo dagiti nurses ditoy pagilyan.
