LAOAG CITY – Kinumpirmaran ni Dr. Renato Mateo, ti mangidadaulo ti City Health Office ditoy ciudad ti Laoag a naka-home quarantine ti maysa kadagiti dua a nangsukon iti nagpositibo ti covid-19, iti border checkpoint ti ili ti Badoc.
Segun kenni Mateo, dagiti dua a nangsukon ket maysa a nurse ken maysa a driver.
Kunana a ti nurse ket isu ti adda ti direct interaction na iti covid-19 positive nga isu ti nabilin nga ag-home quarantine ken saan a pulos a rumwar, pakairaman ti pamilya na.
Inbatad na a ti driver ket agtultuloy a sumsumrek iti trabaho na gapo ta awan ti interkasyon na iti nagpositibo iti virus a taga-Barangay 8, San Vicente ditoy ciudad.
Iti sabali a bangir, kinumpirmaran ni Police Captain Joseph Tayaban, chief of police ti PNP-Badoc nga adda ti naka-quarantine a maysa a pulis gapo ta adda met ti direct contact na iti nurse a taga Barangay 8 ditoy ciudad.
Kabayatanna, agtultuloy met ti maiyus-uswat a contact tracing ti City Health Office kadagiti nakapulapol ti nagpositibo.
