LAOAG CITY – Naglikudan ni Father Arvin Mangrubang iti Iglesia Filipina Independiente a nakabase iti Surong Valley iti ili ti Vintar ti alegasyon a supporter isuna ti New Peoples Army (NPA).
Segun kenni Fr. Mangrubang, awan ti sabali nga ar-aramiden da no diket agiwaragawag laeng ti kaipapanan ti ebanghelyo ni Kristo.
Inlawlawag na nga adda met ti naawat na nga impormasyon nga isuna ti agdama a masipsiputan gapo iti nasao nga alegasyon.
Inpetteng na a sipud naitao ket saan pay a nakakita ti maysa a miembro ti NPA.
Inbatad na pay nga adda dagiti at-atendaran na a gathering dagiti mannalon ngem saan na a kayat a sawen ket supporter daytoyen ti NPA.
Kunana a basar iti panangdamdamag na ket nakumpirmaran na nga adda ti alegasyon a maipagarop nga agrec-recruit isuna tapno makikappeng iti nasao a rebelde a grupo.
Patyen na a daytoy ti epekto kadakuada ti Anti-terror Law ken kunana a daytoy ti mangdadael iti karbengan ti maysa nga agiwarwaragawag iti kinapudno a paspasaren dagiti mannalon wenno tattao.
Ummuna iti daytoy, adda ti dimmanon nga impormasyon iti Bombo Radyo nga adda ti maak-akusaran a maysa a padi a supporter iti nasao a rebelde a grupo.
Iti panangberipikar ti Bombo Radyo iti Provincial Mobile Force Company, inbatad dagiti pulis a manarimaan ti validation da no agpayso daytoy.
