LAOAG CITY – Awan dagiti nasugatan ngem sumagmamano a paset ti maysa a pagtaengan iti Brgy. #51-B Nangalisan dituy ciudad ti Laoag ti nadadael kalpasan ti napasamak nga uram.
Inbatad ti umuna a nakakita iti uram a ni Mrs. Virgie Castillo a bayat a lumabas iti pagtaengan ti binigbig na “Mrs. Javier” ket nakita na ti asok nga aggapo iti baba ti balay ken idi sinublian na ket adda ti sumsumged nga apoy.
Gapo iti daytoy, inpakaammo na a dagus a napan na riniing dagiti agnanaed iti nasao a pagtaengan ken dagus a nagtawag ti bombero ti karruba da a doktor.
Innayona nga apaman a nakaruar dagiti agnanaed iti nasao a pagtaengan ket dita a nagpanagto ken nagramram ti apoy.
Immuna iti daytoy, dinakamat ni Castilli a dua laeg ti agnanaed iti nauram a pagtaengan gapu ta adda iti ballasiw taaw dagiti nagannak kadakuada.
Agpapan a maisursurat ti damag ket saan pay a masinunuo ti namunganayan ti uram ken kadagupan a balor dagiti nadadael.
Developing story…
