LAOAG CITY – Inbatad ni Senior Fire Office 1 Freshnel Matute , chief operation iti BFP-Dingras nga agtultuloy pay laeng ti nanun-uneg nga imbestigasyon da iti napasamak nga uram iti Barangay Barong iti nasao nga ili.
Segun kenni Matute, ti agtaguikua iti balay a nauram ket ni Marshall dela Rosa ken ti ina na a ni Soledad dela Rosa.
Iti insyal nga imbestigasyon, kuna ni Matute a nakapuot dagiti akin-balay gapo ta maur-uram ti kusina da rason a dagus da a rimwar ken nagna da iti tawa gapo ta ti pagruwan da ket nauram pay.
Inlawlawag na a kalpasan a nakarwar dagitoy ket dagus da a nagpatulong kadagiti karruba da rason a nagtitinnulong a mangsebseb ti apoy ken timmawag da iti BFP.
Kalpasan ti sumagmamano a minutos ket nakadanon dagiti kameng ti BFP ngem kuna ni Matute a dakkel ti apoy idi adda dan it lugar gapo ta naaramid ti balay babaen kadagiti light materials, ken kalpasan ti 10 a minutos ket naideklara a fire out.
Naamoan nga awan met ti nasugatan iti napasamak nga uram gapo ta dagus a nakarwar dagitoy.
Agpapan maisursurat ti damag ket saan pay a maibaga ni Matute no mano ti balor dagiti nadadael iti nasapamak nga uram.
