LAOAG CITY – Inbatad ni PLt. Belen Baoit, ti hepe ti PNP-Solsona nga agtultuloy ti imbestigasyon iti maipagarup a pannakapalto-paltog ti maysa a pagtaengan iti Brgy. Aguitap iti nasao nga ili.
Kuna ni Baoit nga iti immunan a panagibesgtigarda ket nakita ti tama ti bala ti paltog iti bubongan ken diding iti beranda ti pagtaengan ti pamilya ni Marciano Marcos.
Nu pay kasta, inpakaaamo na nga awan ti naala a kapsula ti bala iti nasaoa pagtaengan.
Immuna iti daytoy, kuna ni Baoit nga adda ti lima a putok ti paltog ti nangeggan ti pamilya bayat ti panagbuya da ti telebisyon.
Inbatad na nga a mapatta-patta a tallo agingga lima a metro ti kaadayo ti naggapoan ti putok.
Iti laksid daytoy, inpakaaammo ni Baoit nga awan met ti nadangran iti nasao nga insidente.
Nu pay kasta, inbunannag ti hepe a nasken a maduktalan ti adda iti likudan ti insidente tapno maamoan nu naigagara daytoy wenno aksidente laeng.
