LAOAG CITY – Balligi ti naiyuswat a drug buy-bust operation kontra iti maysa a tricycle driver gapo iti Barangay 23 ditoy ciudad ti Laoag.
Nabigbig ti subject ti operasyon a ni Diosdado Claverence Espiritu y Martin, agtawen ti 45, awanan ti asawa, maysa a tricycle driver ken residente iti Barangay 20 ditoy ciudad.
Nakumpiskar kenni Espiritu ti 11 a sachet a maipagarop a naglaon ti shabu ken maysa a kalibre 38 a paltog nga addaan ti lima a bala, ken ti buy-bust money a sangaribo a pisos.
Karaman pay a nakumpiskar ti personal a kwarta ti subject a 750 a pisos, cellphone, wallet a naglaon ti IDs ken ti tircyle na.
Segun iti Provincial Drug Enforcement Unit, ti suspek ket maibilang nga high value individual ken karaman iti drug watchlist ti Regional Office 1 ken nabayagen a masipsiputan.
Nagkedked met a mangipaay ti komento ni Espiritu mainaig iti pannakatiliw na.
Iti agdama, ti suspek ket adda iti kustudiyar ti PNP-Laoag ken manamnama a mapilaan ti kaso gapo iti panagusar ken panaglako ti maipawil nga agas.
