LAOAG CITY – Narekobre ti maysa a kalibre 45 a paltog ken 17 a bala iti bag nga adda iti katre iti kubo-kubo idiay Barangay 24, Nagrebcan iti ili ti San Nicolas.
Nabigbig ti agtagikua iti paltog a ni Gilbert Tumbaga, tubo idiay Barangay Bangsar iti ili ti Banna ken dwan a lawas nga agnanaed iti Barangay Nagrebcan.
Ummuna iti daytoy, rumrumwar nga idi Hunyo 11 ti rabii ket nagipaturong ti paltog ni Tumbaga.
Segun iti naidanon a report kenni Barangay Kagawad Benjamin Casimiro, adda ti maysa a barangay tanod a napaturungan ti paltog ken nakiriri ni Tumbaga.
Inlawlawag na a kalpasan a naamoan na ti mainaig iti paltog ket timmawag da iti PNP rason ti pnnakrekobre ti nasao a paltog ken balbala.
Mainaig iti daytoy, naglikudan ni Tumbaga nga adda ti pinaturungan na ti paltog ken inpetteng na nga awan ti ammo na mainaig iti narekobre a paltog ken balbala.
Inadmitir na met nga adda ti kaso na idi 1995 idiay ili ti Banna ngem nalpasen kalpasan a nabalod agingga iti 2006.
Kabayatanna, inpetteng ni Mr. Macky Rumbaoa, maysa kadagiti maipagarop a tinutukan ti paltog ni Tumbaga ti narekobre a paltog ket isu met laeng ti naipaturong kenkuana.
Segun kenni Rumbaoa, ti maipagarop nga insawang ni Tumbaga ket uppat a tao ti napatayen ti nasao a paltog ken amangan no makiliman to isunan.
Gapo iti daytoy, inbatad na daytoy iti asawa ken karruba da gapo ta no adda ti dakes a mapasamak kenkuana ket ni Tumbaga ti maitudo.
Inbatad na pay a nakuna ni Tumbaga kenkuana nga ilako ni Rumbaoa dagiti annak ti maseknan.
Kunana a no makainom ti nasanger ni Tumbaga ket sabali ti aramid na ngem no saan ket nasayaat a tao.
Kinumpirmaran met ni cal Police Major Arnel Tabaog, ti chief of police ti PNP-Banna a drug surrenderer ni Tumbaga ken idi bulan ti Abril ket napilaan ti kaso nga estafa.
Dayoy ket gapo iti maipagarop a panangilako na ti baka a taraken na kenni Florentino Agustin nupay ti saritaan ket mabayadan isuna ti 10 a pisos iti kada aldaw.
