LAOAG CITY – Inpakaammo ni PLt. Rudy James Jacalne, ti chief of police iti ili ti Piddig a position ti naiyuswat a search warrant operation iti Barangay Estancia iti nasao nga ili.
Inbatad na nga iti panagsukimat da iti pagtaengan ti nagbalin a subject ti search warrant ket nakakumpiskar da ti maysa a kalibre 45 a paltog nga addaan ti tallo a bala ken maysa a granada.
Inlawlawag ni Jacalne a ti pannakaiyuswat ti search warrant operation ket namunganay kalpasan nga adda dagiti reports nga adda ti ikot a paltog ti suspek.
Mainaig iti daytoy, kuna ti hepe a nagusar dagiti kapulisan ti body worn camera kabayatan ti operasyon ken naimatangan dagiti barangay officials.
Immunan nga inpakaammo ni Jacalne a nakailanad iti search warrant a mabirok ti paltog ti suspek.
