LAOAG CITY – Sumango ti maysa a barangay kagawad manipod iti ili ti Badoc ti kaso a panaglabsing iti Republic Act 10591 wenno “Comprehensive Firearms and. Ammunition Regulation Act” ken ti Republic Act 9516.
Nabigbig ti suspek a ni Barangay Kagawad Hadji Palafox residente iti Barangay Nagrebcan iti ili ti Badoc.
Segun ken ni Police Major Sheryl Guzman, ti pannakangiwat iti Ilocos Norte Police Provincial Office, nakumpiskar dagiti otoridad ti maysa a kalibre 45 a paltog ken ti pito a bala na, karaman ti maysa a granada kabayatan ti naisayangkat a search operation iti mismo a balay ti barangay kagawad.
Iti agdama, ti suspek ket nagtalinaed iti kustodyar ti Provincial Intelligence Unit ti Ilocos Norte Police Provincial Office.
