LAOAG CITY – Agpapada a natay ti maysa a pamilia idiay Ukraine gapu iti Russian drone strike.
Pimmusay ti agasawa ken ti dua nga annakda iti nagpatnag a Russian drone attack iti Ukraine’s north-eastern Sumy region.
Segun ken ni Regional head Oleh Hryhorov, natamaan ti residential building iti village ti Chernechchyna no sadinno a narekobre ti bagi ti maseknan a nagannak ken ti dua nga ubbing nga agtawen ti uppat ken innem.
Basar iti Ukraine’s air force, adda ti 46 manipud iti 65 a Russian drones iti intero a pagilian ngem adda ti 19 a direkta a timmama kadagiti innem a lokasion.
Iti maysa a rakurak, adda ti 81 nga Ukrainian drones ti nadadael a nagpatnag iti lima a rehion ti Russia no sadinno nga awan ti naipadamag a natay.
Iti post ti Telegram, inakusaran ni Hryhorov ti Russian forces iti panang-target-da iti residential building iti Chernechchyna.
Inbatadna a ti pannakatay ti sibubukel a maysa pamilia ket saanto pulos a malipatan ken maipaayan ti pammakawan.
Mainaig iti daytoy, inpakaammo ti Ukraine’s state emergencies service DSNS nga adda ti dua a residential buildings ti partially destroyed iti village.
Makita pay kadagiti ladawan a nai-post iti online dagiti bumbero a naiget a sebsebsebanda ti apoy gapu iti Russian strike.
Maipalagip a kadagiti naglabas a lawas, ad-adda pay a pinaigetan ti Russia dagiti iwaywayatda a ginasgasut a drones ken dinosdosena a missiles.
