LAOAG CITY – Nauram ti maysa a panganan a masarakan iti Brgy. Garreta iti ili ti Badoc idi laeng rabii.
Segun iti Bureau of Fire Protection iti ili ti Badoc, nakaawat da iti tawag manipod kadagiti residente iti alas dies bente otso idi rabii ken sigud da nga nagresponde.
Basar iti inisyal nga imbestigasyon, ti nasao nga uram ket napasamak iti Banshong Food House ken gapu iti kinadakkel ti apoy ket kinasapulan ti BFP Badoc ti tulong BFP Pinili.
Naideklara ti fire out iti oras ti alas onse bente otso idi rabii.
Kabayatanna, naamoan nga awan ti nadangran gapo ta awan ti tao ti nasao nga establishimento idi napasamak ti insidente.
Iti agdama, agtultuloy ti imbestigasyon ti BFP Badoc pakaseknan iti daytoy a pasamak.
—developing story—
