LAOAG CITY – Nagsagaba ti sugat iti bibig ti maysa a pasahero ti bus kalpasan ti panagdinungpar da iti maysa a Montero iti Brgy. Darat, Pinili, Ilocos Norte.
Ti nasugatan ket agtawen ti 66 ken residente iti Brgy. San Mateo iti ciudad ti Batac.
Segun kenni Police Captain Kester Arellano, ti chief of police ti Philippine National Police iti ili ti Pinili, agpaabagatan ti Montero ngem immagaw iti linya idi nakadanon iti kurbaan a paset ti kalsada rason a naidungpar iti bus nga agpaamyanan.
Kunana a basar iti inisyal nga impormasyon da ket nakainom ti nasanger ti driver ti Montero.
Gapo iti daytoy, nagsagaba ti sugat ti bibig ti nadakamat a pasahero ken uray dagiti dua a behikulo ket nadadael ti sango dagitoy.
Agpapan maisursurat ti damag ket adda iti kustudiyar ti pulisya ti driver ti Montero ken manamnama ti panagsasarita da iti kompanya ti bus.
