LAOAG CITY – Nagreklamo ti maysa a pasiente manipud iti ili ti Bangui iti biang ti Bombo Radyo Laoag gapu iti nagbalin a kapadasanna iti Governor Roque B. Ablan Sr. Memorial Hospital ditoy siudad ti Laoag.
Segun kenkuana, idi laeng kalman ti malem ket simmangpet ti anakna iti nadakamat nga ospital nga umay a mangipan ti kannenna a pangrabii ken isu kuma ti mangbantay kenkuana no sadinno a saanda daytoy a pinastrek.
Kinunana ti pasiente a ti nagiananna a facility ket iti Covid-19 Facility rason a saanda a pinapastrek ti agbantay gapu ta saan a mabalin a saba-sabali a tattao ti umay agbantay iti pasiente.
Inbatadna a saanna a masinunuo nu utility worker wenno health worker iti nadakamat nga ospital ti saan a nagpastrek iti anakna.
Innayonna a nagpaadmit daytoy iti ospital idi laeng Hulio 17 ken makapaspasar daytoy iti gurigor ken marigatan nga umanges.
Nupay kasta, awan met ti inbaga dagiti dodoktor kenkuana a makaakar wenno nagpositibo daytoy iti Covid.
Kabayatanna, saanen a pay nga ikiddaw ti pasiente a pastreken ti anakna a mangbantay kenkuana, ta arigna a napabain daytoy.
