LAOAG CITY – Kinumpirmaran ti Manila Municipal Disaster Risk Reduction and Management Office a pimmusay ti maysa a Photojournalist kalpasan a naawanan ti puot iti kangitingitan ti Traslacion coverage idiay Manila.
Nabigbig ti agirakrakurak a natay a ni Son H. Del Mundo, nga agtawen ti 54.
Naitaray daytoy iti ospital ngem naideklarar a pimmusay.
Kabayatanna, basar iti kaudian a datos ti local disaster office, addan ti pakabuklan a 299 nga indibidual ti naipaayan ti medical aid iti kangitingitan ti Traslacion.
Iti nasao a bilang, adda ti 13 ti major cases idinto a 141 ti nagsagaba ti minor injuries.
Nakairekord pay ti maysa nga insidente a ginandat ti maysa a deboto a bumallasiw kadagiti adda ti barikadana iti Quezon Boulevard ngem naigalis ken immuna a timmama ti rupana ken naipasubsob iti semento.
Gapu iti daytoy, nagsagaba ti sugat iti nagduduma a paset ti bagina.
Naminsan manen a nagpalagip dagiti otoridad kadagiti natataengan a deboto nga ad-adda nga agannad, agtalinaed nga hydrated ken liklikan ti panagdudupudop dagiti tattao gapu ta mabalin nga agresulta daytoy iti panagrigat nga aganges ken mapukawan ti puot gapu iti naruay a deboto.
