LAOAG CITY – Kinumpirmaran ti Department of Foreign Affairs (DFA) a maysa a Pinay ti pimmusay gapu iti nakaru a pudot kalpasan a nagatendar isuna iti Hajj pilgrimage idiay Saudi Arabia.
Segun iti Department of Foreign Affairs Undersecretary Eduardo de Vega, ti Pinay ket agtawen ti 37, nakabase idiay Riyadh ken pimmusay idi Hunyo 16.
Dagus met a naimansayag daytoy kalpasan ti sumagmamano nga aldaw, no sadinno a karaman isuna kadagiti 500 a pimmusay a nagatendar iti Hajj Pilgrims.
Nangipatulod metten ti Department of Foreign Affairs kadagiti tattao iti Philippine Embassy idiay Saudi Arabia tapno tulongan dagiti Pilipino nga adda ita iti Hajj pilgrimage.
